كورة مصرية

احمد مجاهد : تخفيف عقوبة الشناوى مش علشاني علشان مصر

كتب :Hamada Zanaty

مجاهد تخفيف عقوبة الشناوى علشان مصر.

صرح رئيس اللجنة الثلاثية التي تدير الأتحاد المصري حاليا ” أحمد مجاهد” ان تخفيف عقوبة حارس الاهلي محمد الشناوى علشان مصر.
حيث تحدث مجاهد في تصريحات تلفزيونية لقناة MBC masr.
قائلا :كان ممكن نكابر في الغلط ومنغيرش قرارنا لكن معملناش كده.قررنا تزويد الغرامات وتقليل الايقافات عشان صالح منتخب مصر.

وتابع مجاهد‏: تقرير الحكم إن الشناوي قاله أنا الكابتن ولما مشي مسكه من ايده وده سلوك غير رياضي. وإدارة المسابقات قررت 4 مباريات إيقاف. تاني يوم كان في اجتماع مع لجنة الحكام، وسألنا لجنة الحكام هل الحارس خد عقوبة؟ اجمعوا كان لازم ياخد إنذار.

وأضاف احمد مجاهد : من ناحية أخرى فيما يخص طلب نادي بيراميدز حكام أجانب لمباراة الأهلي، قال “‏أحمد مجاهد” بيراميدز عايز حكام أجانب، مفيش حكام أجانب إلا في ماتشات الأهلي والزمالك بس.الموضوع مفيهوش نقاش احنا بنساند وندعم الحكام المصريين.

وأختتم مجاهد حديثه :قرارات الأتحاد المصري تصب في مصلحة الأندية المصرية، والهدف منها مصلحة منتخب مصر، اي قرار بيتم اتخاذه مش علشاني، علشان منتخب مصر.

مقالات ذات صلة

إغلاق